Կաթնային շոկոլադի օգտակար հատկանիշները

Երբևէ հանդիպե՞լ եք մեկին, ով չի սիրում շոկոլադ: Եթե նույնիսկ հանդիպել եք, ապա, հավանաբար, այդ մարդիկ հրաժարվում են այս համեղ քաղցրավենիքից՝ չգիրանալու պատճառով:

Շոկոլադն օգնում է հանգստացնել նյարդերն ու, թեկուզ մի քանի րոպեով, բայց մանուկ զգալ մեզ: Որոշ դեպքերում էլ շոկոլադի մի կտորը կարող է մարդու կյանքը փրկել:

Բոլորս էլ գիտենք, որ շոկոլադը մի քանի տեսակի է լինում: Այն կարող է լինել դառը, կաթնային, սպիտակ և հասարակ: Դառը շոկոլադը շատ օգտակար է,  սակայն բոլորը չեն որ սիրում են դառը շոկոլադը:  Իսկ գիտեի՞ք, թե ինչ օգտակար հատկանիշներ ունի կաթնային շոկոլադը:

Շատերը կարծում են, որ, բացի ավելորդ կիլոգրամներից և ատամների կարիեսից, այս տեսակի շոկոլադը ոչինչ չի տալիս:

Կաթնային շոկոլադի օգտակարությունը

1. Կաթնային շոկոլադը հարուստ է կալցիումով, երկաթով, կալիումով և մագնեզիումով, ինչպես նաև՝ այն պարունակում է թեոբրոմին: Այս բոլոր բաղադրիչները լավացնում են սրտամկանի աշխատանքը, լավացնում են ուղեղի գործունեությունը, կարգավորում են նյարդային համակարգը:

Ոչ միայն դառը շոկոլադը, այլև՝ կաթնայինը,  սրտի հիվանդությունների և ինսուլտի կանխարգելման պրոֆիլակտիկ միջոց է:

2. Կակաոն օգնում է թարմանալ և հավելյալ էներգիա է տալիս: Եթե սպորտով եք զբաղվում կամ ակտիվ կյանք եք վարում, ապա մի կտոր կաթնային շոկոլադն անպայման պետք է լինի պայուսակի մեջ: Հենց այս շոկոլադն է արագ վերականգնում ուժերը ծանր ֆիզիկական և մտավոր աշխատանքից հետո:

3. Կաթնային շոկոլադը հակադեպրեսանտ միջոցների մեջ ամենաառաջինն է: Այն նաև օգնում է մեզ դառնալ ավելի բարի, ավելի վստահ և խելացի, այնպես որ, հանգիստ կերեք օվա ընթացքում այս համեղ քաղցրավենիքը (օրական ոչ ավելի, քան 30 գրամ) և առողջ ու երջանիկ կլինեք:

Նյութը հրապարակման պատրաստեց Լիլիթ Հարությունյանը