Վրաստանն Ադրբեջանին մեղադրում է գազամատակարարումն ընդհատումներով իրականացնելու մեջ
Վրաստանի նավթի ու գազի կորպորացիայի գլխավոր տնօրեն Դավիդ Տվալաբեիշվիլին պնդում է, որ մի շարք դեպքերում SOCAR ընկերությունը չի ապահովում անխափան գազամատակարարում, հայտնում է «Գրուզիա օնլայնը»:
««Շահ Դենիզ»-ում արդյունահանվող գազի մասնաբաժինը կազմում է շուրջ 30%, 50%-ը բաժին է ընկնում SOCAR-ին, 20%-ը՝ ռուսական ընկերություններին:
Հարկ է նշել, որ վերջին շրջանում Վրաստանում զգալիորեն ավելացել է գազի սպառումը: Երբեմն դիտվում են խափանումներ՝ կապված SOCAR-ի գազատարի մատակարարման հետ: Այդ իսկ պատճառով մենք մի շարք դեպքերում ստիպված ենք հետևել հաշվեկշռին՝ ի հաշիվ ռուսական գազի»,- ասել է Տվալաբեիշվիլին:
