Հավի կրծքամսով ամանորյա հետաքրքիր և համեղ նախուտեստ
Եթե ցանկանում եք Ամանորին զարմացնել ձեր հյուրերին, ապա անպայման պատրաստեք այս նախուտեստը։ Այն պատրաստվում է շատ արագ և հեշտ։
Հարկավոր է
Հավի կրծքամիս- 300 գրամ
Պանիր (ըստ ցանկության)- 200 գրամ
Հունական ընկույզ- 1/2 բաժակ
Սխտոր- ըստ ցանկության
Մայոնեզ
Կանաչի
Ձիթապտուղ
Ինչպես պատրաստել
Հավի կրծքամիսը եփել աղաջրում, թողնել սառչի և շատ մանր կտրատել
Պանիրն անցկացնել մանր քերիչով
Սխտորը ճզմել
Կանաչին մանր կտրատել
Այս բաղադրիչները լավ խառնել, ավելացնել մայոնեզը։ Ստացված զանգվածից պատրաստել գնդիկներ։
Գնդիկները թաթախել և պտտել նախօրոք մանրացրած հունական ընկույզի մեջ։ Վրան դնել ձիթապտուղը։ Զարդարել սամիթով։
Բարի ախորժակ:
