Saint West-ը թողել է ռեփը Քիմ Քարդաշյանի ու Քանյե Ուեսթի պատճառով
Կանադացի ռեփեր Սեյնթ Ուեսթը (Saint West) հայտարարել է հիփ-հոփից հեռանալու մասին, քանի որ Քիմ Քարդաշյանն ու Քանյե Ուեսթն իրենց որդուն նույն անունն են տվել, գրում է TMZ-ն:
Նա տեսաուղերձ է հրապարակել, որտեղ հույս է հայտնել, որ նորածին Սեյնթ Ուեսթը չի ընտրի հոր մասնագիտությունը:
«Իմ շնորհավորանքները Քանյեին ու Քիմին, շնորհակալություն, որ ընտրել են նման հիանալի անուն երեխայի համար: Սեյթ Ուեսթ, թող Աստված քեզ ժպտա: Միշտ երկրպագելու եմ քեզ: Ու աշխատիր ռեփեր չդառնալ»,- ասել է կանադացի երաժիշտը:
Saint West-ը վանկուվերցի երաժշտի ստեղծագործական կեղծանունն է:
Նրա անունը Լինդոն Մակինթայր է: Ազատ ժամանակ զբաղվում է ռեփով:
Սեյնթ Ուեսթը Քիմ Քարդաշյանի ու ամերիկացի ռեփեր Քանյե Ուեսթի երկրորդ երեխան է:
