Նավթի գինը համաշխարհային շուկայում շարունակում է նվազել
Այսօր ևս «սև ոսկու» համաշխարհային գները ցուցաբերել են նվազման միտում՝ բացասական ռեակցիա հանդես բերելով ԱՄՆ Դաշնային պահուստային հիմնադրամի որոշման նկատմամբ, որը որոշել է բազային տոկոսադրույքը բարձրացնել 2006 թվականից ի վեր առաջին անգամ:
Նյու Յորքի առևտրային բորսայում (NYMEX) WTI ապրանքանիշի թեթև նավթի հունվարյան ֆյուչերսների գներն այսօր նվազել են 0,17%-ով՝ մինչև 1 բարելի դիմաց 35,46 դոլար:
Լոնդոնի ICE Futures բորսայում Brent ապրանքանիշի նավթի հունվարյան ֆյուչերսների գները նվազել են 1,01%-ով՝ մինչև 37,15 դոլար՝ 1 բարելի դիմաց:
Նախօրեին ԱՄՆ Դաշնային պահուստային հիմնադրամը որոշեց բարձրացնել տոկոսադրույքները՝ հասկացնելով, որ ամերիկյան տնտեսությունը զգալիորեն հաղթահարել է 2007-2009 թվականների ճգնաժամի հետևանքները, հայտնում է BBC-ն:
