«Շնորհակալություն «Բորուսիայի» երկրպագուներին` իմ վրիպումից հետո ինձ աջակցելու համար». Հենրիխ Մխիթարյան
Դորտմունդի «Բորուսիայի» կիսապաշտպան Հենրիխ Մխիթարյանը մեկնաբանել է Գերմանիայի առաջնության 16-րդ տուրի «Այնտրախտի» հետ տնային խաղում իր թույլ տված վրիպումը: Թոմաս Տուխելի թիմն այդ խաղը հաղթեց 4:1 հաշվով: 2-րդ խաղակեսում Հենրիխ Մխիթարյանը չկարողացավ գլխով գոլ խփել բաց դարպասներին 2-3 մետր հեռավորությունից:
«Ես ոչինչ չեմ կարող ասել այդ հաշվով, ուղղակի մեկնաբանություններ չկան: Բայց ցանկանում եմ շնորհակալություն հայտնել երկրպագուներին, ովքեր վանկարկում էին իմ անունը, որպեսզի աջակցեն ինձ: Ես ինձ շատ լավ զգացի և կաշխատեմ գոլ խփել նրանց համար»,- Մխիթարյանին ցիտում է Sport1 ինտերնետ պարբերականը:
Պատրաստեց Անի Գաբուզյանը
