Յուրա Մովսիսյանը Ռուսաստանի Պրեմիեր լիգայի հիասթափությունների շարքում է
Ռուսական Чемпионат.com կայքը կազմել է 10 ֆուտբոլիստների ցանկ, ովքեր հիասթափեցրել են Ռուսաստանի Պրեմիեր լիգայի ընթացիկ մրցաշրջանի աշնանային հատվածում: Այս ֆուտբոլիստների թվում ռուս լրագրողներն ընդգրկել են նաև Հայաստանի Ազգային հավաքականի հարձակվող Յուրա Մովսիսյանին:
Կայքը գրում է, որ Մովսիսյանի կենսագրության սպարտակյան կամ նույնիսկ ռուսաստանյան շրջանը մոտեցել է ավարտին:
«Եթե ամռանը Յուրան դեռ ինչ-որ կերպ համապատասխանում էր հիմնական կենտրոնական հարձակվողի կարգավիճակին, ապա աշնանը խամրեց, վնասվածք ստացավ, և տպավորություն է, որ հարմարվել է տեղափոխության մտքի հետ»:
Ընթացիկ մրցաշրջանում Մովսիսյանը Ռուսաստանի առաջնության 11 հանդիպման է մասնակցել «Սպարտակի» կազմում՝ դառնալով 3 գոլի հեղինակ:
Սիրարփի Աղաբաբյան
