Ավտոմեքենան դուրս է եկել երթևեկելի հատվածից և ընկել ձորը. կան տուժածներ
Դեկտեմբերի 5-ին, ժամը 19.22-ին տեղեկություն է ստացվել, որ Տավուշի մարզի Դիլիջան քաղաքի թունելի մոտ ավտոմեքենան դուրս է եկել երթևեկելի հատվածից և ընկել ձորը. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Դիլիջան-Սևան ավտոճանապարհի 12-րդ կմ-ին դեռևս չբացահայտված հանգամանքներում, «Մերսեդես» մակնիշի X875PC123 պետհամարանիշով ավտոմեքենան դուրս է եկել ավտոճանապարհի երթևեկելի հատվածից և ընկել ձորը (մոտ 30 մ): Ավտոմեքենան ձորից դուրս բերելու համար անհրաժեշտ է հատուկ տեխնիկա:
Մինչ փրկարարների կանչի վայր հասնելը՝ վարորդ՝ 1983 թ. ծնված Զ. Պ.-ը և ուղևոր՝ 1995 թ. Մ. Ս.-ը տեղի ուժերով դուրս են բերվել ձորից և հոսպիտալացվել Դիլիջանի ԲԿ: Բժիշկները տուժածների առողջական վիճակները գնահատել են բավարար:
Հրշեջ-փրկարարները հոսանքազրկել են ավտոմեքենան:
