Ռուսաստանի մեղադրանքներն անհիմն են. Դավութօղլու
Ռուսաստանն անհիմն կերպով է մեղադրում Թուրքիային, ու դա անընդունելի է Անկարայի համար: Այդ մասին ասել է Թուրքիայի վարչապետ Ահմեդ Դավութօղլուն, ում խոսքերը ներկայացնում է TRT Haber հեռուստաալիքը:
Նրա խոսքով՝եթե Ռուսաստանը ցանկանում է վերականգնել հարաբերությունները Թուրքիայի հետ, պետք է բանակցությունների համար բացի դիվանագիտական խողովակները:
«Ռուսաստանը պետք է իմանա այն մասին, որ Թուրքիան իրավունք ունի պաշտպանել իր սահմանները գոյություն ունեցող բոլոր հնարավոր միջոցներով»,- հայտարարել է Դավութօղլուն:
Հիշեցնենք, որ Թուրքիայի ռազմաօդային ուժերը նոյեմբերի 24-ին խոցել էին ռուսական «Սու-24» ռազմական ինքնաթիռը, ինչից հետո երկու երկրների հարաբերությունները զգալիորեն վատթարացել են:
