Մեսսին մարզվել է երիտասարդական թիմի հետ
«Sport.es»-ը հայտնում է, որ կատալոնական «Բարսելոնայի» արգենտինացի առաջատար Մեսսին ջանք չի խնայում և շարունակում է մարզվել առաջիկա «Էլ Կլասիկոյին» պատրաստ լինելու համար:
Կատալոնացիների գլխավոր մարզիչ Լուիս Էնրիկեն հավաքականներին չմիացած ֆուտբոլիստներին տվել է հանգստանալու հնարավորություն: Չօգտվելով այդ հնարավորույթյունից՝ Մեսսին մարզում է անցկացրել թիմի երիտասարդական կազմի հետ: Բացի նրանից, որ մարզվել է Խերարդ Լոպեսի թիմում, Մեսսին աշխատել է նաև ֆիզիկական պատրաստվածությունը բարելավող մասնագետի հետ:
Հիշեցնենք, որ 2015-2016 թթ. Առաջնության առաջին ընթացքի կարևորագույն խաղը տեղի է ունենալու նոյեմբերի 21-ին:
Սիրարփի Աղաբաբյան
