Լուի Վան Գալին հարկավոր է արագաշարժ կիսապաշտպան
«Մանչեսթեր Յունայթեդի» գլխավոր մարզիչ Լուի Վան Գալը հայտարարել է, որ ձմռանը ցանկանում է ձեռք բերել ամենաքիչը ևս մեկ կատարող:
Անգլիայի առաջնության նախորդ տուրում «Մանչեսթեր Յունայթեդը» հաղթեց «Վեսթ Բրոմվիչին» 2:0 հաշվով: Մեմֆիս Դեպայը, ով ամռանը տեղափոխվել է «ՊՍՎ»-ից, լավ սկսեց մրցաշրջանը, բայց հիմա սկսել է դուրս մնալ մանկունյանցիների հիմնական կազմից: Հոլանդացին որոշել է, որ իրեն պետք է ևս մեկ եզրային կիսապաշտպան:
«Ես դեռ նախորդ մրցաշրջանում ասել եմ, որ մեզ պետք է ավելի շատ արագություն և կրեատիվություն եզրերում: Եզրերում մեզ մոտ խաղում են Լինգարդը և Մատան, որոնք չեն հանդիսանում աշխարհի ամենաարգ կիսապաշտպանները»,- մենեջերի խոսքերը մեջբերում է Goal.com-ը:
«Սկզբում մենք պետք է լուծենք այդ պրոբլեմը, որպեսզի թիմը կարողանա խաղալ` օգտագործելով արագ եզրերը:
Ես ցանկանում եմ գնել շատ ֆուտբոլիստներ, բայց չեմ կարող բոլորին վաճառել: Կան շատ հանգամանքներ»,- նշել է Լուի Վան Գալը:
Պատրաստեց Անի Գաբուզյանը
