Արմեն Երիցյանի հրամանով` նշանակումներ են կատարվել
Նոյեմբերի 4-ին ՀՀ ՏԿԱԻ նախարար Արմեն Երիցյանի հրամանով նախարարության համակարգում կատարվել են մի շարք նոր նշանակումներ` ՀՀ ՏԿԱԻՆ փրկարար ծառայության քաղաքացիական պաշտպանության ուժերի հավաքական կենտրոնում, հատուկ նշանակության փրկարարական աշխատանքների իրականացման կենտրոնում, ՓԾ Երևան քաղաքի և փրկարարական ուժերի վարչություններում, ինչպես նաև Արագածոտնի, Լոռու և Տավուշի մարզային փրկարարական վարչությունների հրշեջ-փրկարարական ջոկատներում:
Նախարար Ա. Երիցյանի մեկ այլ հրամանով Գեղարքունիքի մարզային փրկարարական վարչության Գավառի հրշեջ-փրկարարական ջոկատի հրամանատարի տեղակալ Արտակ Խաչատրյանին և Վայոց ձորի մարզային փրկարարական վարչության Եղեգնաձորի հրշեջ-փրկարարական ջոկատի հրամանատար Սուրեն Հարությունյանին շնորհվել է փ/ծ մայորի կոչում:
