«Ռեալ» – «Լաս-Պալմաս» 3:1. Այսօր մենք լավ ֆուտբոլ ցուցադրեցինք միայն առաջին խաղակեսում. Ռաֆայել Բենիտես
«Ռեալի» գլխավոր մարզիչ Ռաֆայել Բենիտեսը ամփոփել է Իսպանիայի առաջնության «Լաս-Պամլասի» հետ խաղը:
«Այսօր մենք անցկացրեցինք ևս մեկ լավ առաջին խաղակես: Լավ սկսեցինք խաղը, խփեցինք 2 գնդակ, բայց երկրորդ խաղակեսում գցեցինք տեմպը և սկսեցինք վատ վերահսկել գնդակը: Այսօր մենք լավ ֆուտբոլ ցուցադրեցինք միայն առաջին խաղակեսում:
Նորեկները լավ խաղ անցկացրեցին: Խեսեն, Վասկեսը և Կազեմիրոն օգնում են թիմին միավորներ վաստակել: Վնասվածք ունեցողներին հեշտ չի լինի ետ նվաճել իրենց տեղերը կազմում: Այսպիսի մրցակցությունը թիմում կօգնի մեզ հաղթանակներ տանել:
Ֆուտբոլիստները պետք է ցույց տան, թե ինչի են ընդունակ դաշտում: Դա միակ ճիշտ ճանապարհն է»,- ասել է Բենիտեսը:
Պատրաստեց Անի Գաբուզյանը
