Ռոնալդոն Չինաստանում 30 ֆուտբոլային դպրոց կբացի
Բրազիլիայի հավաքականի լեգենդար հարձակվող Ռոնալդոն մտադրություն ունի Չինաստանում բացել 30 ֆուտբոլային դպրոց:
39-ամյա նախկին հարձակվողի պլանով, դպրոցների մեծ մասը կտեղակայվեն Պեկինում, Շանհայում և Շենչժենում, իսկ դրանցից առաջինի բացումը սպասվում է արդեն նոյեմբերին, Չինաստանի մայրաքաղաքում:
«Բացի բիզնես գործոնից, Չինաստանում դպրոց բացելու գլխավոր պատճառ է հանդիսանում երկրում ֆուտբոլի սիրահարների և ֆուտբոլիստների մեծ քանակը: Չինաստանի կառավարությունը մեծ ուշադրության է արժանացնում այս մարզաձևի զարգացմանը:
Հուսով եմ, իմ մեթոդիկան կօգնի չինական ֆուտբոլի զարգացմանը, որն ունի մեծ հնարավորություններ և ցանկություն զարգանալու, բայց չունի ճիշտ մոտեցում»,- նշել է Ռոնալդոն:
Պատրաստեց Անի Գաբուզյանը
