Vertu-ն թողարկել է շափյուղե ապակով գերհզոր սմարթֆոն
Vertu ընկերությունը ներկայացրել է տարատեսակ վնասվածքներից պաշտպանության բարձր աստիճան ունեցող Signature Touch սմարթֆոնը: Այս մասին տեղեկությունը զետեղված է ընկերության պաշտոնական կայքում:
Դիսփլեյի պաշտպանիչ պանելը պատված է 130 կարատանոց կիսաբյուրեղային շափյուղայով ու կայուն է ցանկացած քերծվածքի նկատմամբ:
Նորույթի կորպուսը պատրաստված է տիտանից, որը, այն ստեղծողների կարծիքով, երկու անգամ թեթև ու ամուր է չժանգոտվող մետաղից:
Սմարթֆոնի բոլոր մոդելները հավաքվում են ձեռքով Մեծ Բրիտանիայում:
Vertu Signature Touch-ը հագեցած է 5,2 դյույմանոց դիսփլեյով, աշխատում է 8-միջուկանոց 64-բիթանոց Qualcom Snapdragon 810 պրոցեսորի հիման վրա:
Սարքը մատակարարվում է Android 5.1 Lollipop համակարգով:
Vertu-ի նորույթի գինը կազմում է 9900-20 900 դոլար՝ կախված այն բանից, թե ինչ կաշի է օգտագործվում՝ հորթի, ալիգատորի, թե մողեսի:
