Եգիպտոսի անվտանգության ուժերը սխալմամբ մեքսիկացի զբոսաշրջիկների են սպանել
![](https://168.am/wp-content/uploads/2015/09/egiptos1.jpg)
Եգիպտոսի անվտանգության ուժերը սխալմամբ 12 մարդու են սպանել, որոնց թվում եղել են մեքսիկացի զբոսաշրջիկներ՝ նրանց սխալմամբ կարծելով Լիբիայի սահմանին կից Արևմտյան անապատում գործող իսլամիստներ, հայտնում է BBC-ի ռուսական ծառայությունը:
Համաձայն Եգիպտոսի ՆԳՆ-ի տեղեկությունների՝ նվազագույնը 10 մարդ վիրավորվել է զինվորականների բացած հրաձգության հետևանքով: Տուժածների թվում կան նաև Եգիպտոսի քաղաքացիներ:
Դեպքը տեղի է ունեցել այն ժամանակ, երբ մեքսիկացի զբոսաշրջիկներին տեղափոխող 4 ջիպերը մտել են «արգելված» գոտի:
Եգիպտոսի ներքին գործերի նախարարությունը զբաղվում է դեպքի հետաքննությամբ:
Դեպքից 1 օր առաջ ԴԱԻՇ-ի հետ սերտ կապեր ունեցող ջիհադիստական խմբավորումը հայտարարել էր այն մասին, որ իր զինյալները գտնվում են Արևմտյան անապատում:
Այդ շրջանը հայտնի է զբոսաշրջիկների շրջանում, սակայն վերջին շրջանում այն հայտնի է նաև որպես իսլամիստների բազա: