Մեխակի յուղի միջոցով մաքրեք լյարդը
Անտիսեպտիկ հատկանիշների շնորհիվ, մեխակի յուղն օգտակար է տարբեր վնասվածքների, կտրվածքների, ճաքերի, ցավացող մկանների, սնկային ինֆեկցիաների և այլ տեսակի վնասվածքների դեպքում: Այն նաև հրաշալի կերպով բուժում է խայթոցները: Մեխակի յուղը շատ հզոր է և պետք է օգտագործել լուծված վիճակում: Ավելին, այս յուղը չի կարելի օգտագործել այն մարդկանց, ովքեր շատ զգայուն մաշկ ունեն:
Մեխակն ունի հակամիկրոբային, հակասնկային, հականեխիչ, հակավիրուսային հատկանիշներ: Յուղն օգտագործվում է տարբեր տեսակի առողջական խնդիրները բուժելու համար, ներառյալ՝ ատամի ցավը, մարսողական խնդիրները, հազը, ասթման, գլխացավերը, սթրեսը և այլն: Մեխակը հատկապես օգտագործվում է բերանի խոռոչի խնամքի համար: Ատամի մածուկներից շատերի, բերանի ողողման և բերանի խոռոչի համար նախատեսված այլ խնամքի միջոցների բաղադրության մեջ ներառված է մեխակի յուղը: Այս մասին տեղեկացնում է healthyfoodstar.com-ը:
Մեխակը մշտապես կանաչ ծառ է, որի ծաղկի ծիլերն ունեն բազմաթիվ առողջարար հատկանիշներ: Մեխակը հիմնականում օգտագործվում էր հին Հնդկաստանում և Չինաստանում, այնուհետև տարածում է գտել աշխարհի այլ երկրներում, ներառյալ՝ Եվրոպան 17-18-րդ դարերում: Անգամ այժմ մեխակն օգտագործվում է չինացիների և հնդիկների կողմից՝ որոշակի ճաշատեսակների բաղադրությունների մեջ:
Մեխակի յուղ ստանալու համար
3ճ/գ մեխակի փոշին լցրեք ապակե տարայի մեջ, ավելացրեք 1 բաժակ ձիթպտղի յուղ, լավ խառնեք, տարան ամուր ծածկեք: Թողեք տարայի բաղադրությունը թրմվի 21 օր:
Օգտագործման եղանակը
Ըստ healthyfoodstar.com-ի՝ առավոտյան դատարկ ստամոքսին՝ նախաճաշից առաջ խմեք 1ճ/գ այս յուղից: Յուղը հրաշալի կերպով մաքրում է լյարդն ու օգնում ազատվել տարատեսակ տոքսիններից ու պարազիտներից:
Ցուցում. բոլոր նրանց, ովքեր ալերգիկ են, խորհուրդ է տրվում չօգտագործել այս յուղը, քանի որ այն հզոր ալերգիկ միջոց է: Նաև պետք է չմոռանալ մշտապես խորհրդակցել բժիշկների հետ:
Նյութը հրապարակման պատրաստեց Լիլիթ Հարությունյանը
