«Զենիթը» և Անդրե Վիլաշ-Բոաշը կքննարկեն պայմանագրի լուծարումը
«Կապտասպիտակաերկնագույնների» գլխավոր մարզիչը մոտ ժամանակներս կարող է լքել Ռուսաստանը:
Պայմանագրի դադարեցման պատճառը կարող է լինել Վիլաշ-Բոաշի որակազրկումը 6 խաղով: Պորտուգալացին հեռացվել էր դաշտից Ռուսաստանի առաջնության 7-րդ տուրի «Կռիլյա Սովետովի» հետ խաղի ժամանակ դատավոր Իվան Սարաևին հրելու համար, հաղորդում է «Спорт-Экспресс»-ը:
Ավելի վաղ ԶԼՄ-ները հաղորդում էին, որ «Զենիթը» կարող է գլխավորել Յուրգեն Կլոպը կամ Վիկտոր Գոնչարենկոն:
Վիլաշ-Բոաշը պայմանագիր է կնքել պետերբուրգյան ակումբի հետ 2014թ. գարնանը:
Նրա գլխավորությամբ ակումբը նախորդ մրցաշրջանում ժամանակից շուտ հռչակվեց չեմպիոն ազգային առաջնությունում, իսկ հուլիսին նվաճեցին Ռուսաստանի սուպերգավաթը:
Պատրաստեց Անի Գաբուզյանը
