Կառավարությունը կընդունի ԵՏՄ-ի հերթական համաձայանգիրը
ՀՀ կառավարությունը վաղվա նիստում որոշում կընդունի միանալ ԵՏՄ «Կապիտալի ազատ տեղաշարժի ապահովման համար ֆինանսական շուկաներում պայմանների ստեղծման նպատակով ֆինանսական ոլորտում տեղեկությունների, այդ թվում` կոնֆիդենցիալ, փոխանակման մասին» համաձայնագրին:
Բելառուսի, Ղազախստանի և Ռուսաստանի կառավարությունների ու Կենտրոնական բանկերի միջև այս համաձայնագիրը կնքվել էր 2014 թվականի դեկտեմբերի 23-ին:
ՀՀ կառավարությունը արձանագրության կնքումը համարում է նպատակահարմար՝ ԵՏՄ անդամ երկրների ֆինանսական շուկաները վերահսկող մարմինների հետ տեղեկատվության արդյունավետ փոխանակման, ֆինանսական կազմակերպությունների կոնսոլիդացված վերահսկողության շրջանակներում արդյունավետ համագործակցության ապահովման, ինչպես նաև ֆինանսական շուկաների կարգավորման դաշտի հարմոնիզացիայի համար:
