Թուրքիան սիրիական կոնֆլիկտի կողմ չէ. Դավութօղլու
Թուրքիան սիրիական կոնֆլիկտի կողմ չի հանդիսանում, սակայն կոպտորեն արձագանքելու է այդ երկրից եկող իր ազգային անվտանգությանը սպառնացող վտանգին, այսօր հայտարարել է Թուրքիայի վարչապետ Ահմեդ Դավութօղլուն:
«Թուրքիան Սիրիայի ռազմական կոնֆլիկտի կողմ չէ ու չի դառնա: Սակայն այդտեղից եկող սպառնալիքին մենք պատասխանելու ենք նույնպիսի գործողություններով, որ իրականացրել ենք երեկ ու այսօր»,-ասել է Դավութօղլուն լրագրողներին:
Հիշեցնենք, որ Սիրիայում այսօր ԴԱԻՇ-ի 35 զինյալ է ոչնչացվել Թուրքիայի ռազմաօդային ուժերի անցկացրած օպերացիայի ընթացքում:
Սա առաջին դեպքն է, երբ Թուրքիայի ռազմաօդային ուժերը ավիահարված են հասցրել Սիրիայում ԴԱԻՇ-ի դիրքերին:
