Արտագաղթի տեմպը նվազել է
Այս տարի հունվար-հունիս ամիսներին օդային ճանապարհով («Զվարթնոց» և «Շիրակ» օդանավակայաններ) Հայաստան է ժամանել 407 հազար 559 մարդ, իսկ մեկնել է 437 հազար 101 մարդ: Բացասական սալդոն անցած 6ամսում կազմել է 29 հազար 542 մարդ:
Քաղավիացիայի հրապարակած տվյալների համաձայն, 2014թ. հունվար-հունիսին օդային ճանապարհով ժամանել էր 421 հազար516 և մեկնել՝ 465 հազար 893 մարդ: Բացասական սալդոն եղել էր 44 հազար 377 մարդ:
Նախորդ տարվա համեմատ այս տարի արտագաղթող քաղաքացիների թվի այս զգալի պակասումը կարելի է բացատրել երկու կերպ՝ կա´մ մեկնելու հնարավորություն ունեցողների մեծ մասն արդեն հեռացել է երկրից, կա´մ ՀՀ իշխանությունների ջանքերն են արդյունք տալիս և արտագաղթի ծավալներն են կրճատվում: Ընտրությունը թողնում ենք ընթերցողին:
