Սաակաշվիլին Օդեսայի մաքսայիններին կփոխարինի մոդելային արտաքինով երիտասարդներով
Օդեսայի նոր մաքսային տերմինալում անձնակազմի ընտրության չափորոշիչը լինելու է մոդելային արտաքինը: Այս մասին հայտարարել է Օդեսայի մարզի նահանգապետ Միխայիլ Սաակաշվիլին, հայտնում է ուկրաինական ՈՒՆԻԱՆ գործակալությունը:
Քաղաքական գործիչը քննադատել է Օդեսային մաքսային ծառայությանը: Նա հայտարարել է, որ ներկայիս տեսքով այն այլևս չի կարող աշխատել, այդ իսկ պատճառով կիրառվելու են միանգամայն նոր մոտեցումներ:
«Հեռացվում են բոլոր իրավապահները, կառուցվում է ամբողջությամբ նոր տերմինալ, որտեղ նստելու են անգամ ոչ թե մաքսայինները՝ մենք կհավաքենք մոդելային արտաքին ունեցող երիտասարդների»,- ասել է Սաակաշվիլին:
Նրա խոսքով՝ երիտասարդները նստելու են, ժպտալու ու ձևակերպելու են փաստաթղթերը, իսկ մնացած ամեն ինչը կանի համակարգիչը:
