Ֆրանսուհու վրեժը. կինը դիտավորյալ թունավորել է բազմաթիվ տարեց տղամարդկանց
Ֆրանսիայի հարավի 50-ամյա բնակչուհի Պատրիցիա Դագորնին մեղադրում են մի շարք թունավորումների մեջ: Զոհերի ցանկը բաղկացած է բացառապես տարեց տղամարդկանցից, հայտնում է BBC-ի ռուսական ծառայությունը:
Կնոջը մեղադրում են 4 սպանության մեջ, նրան կարող են մեղադրանք առաջադրել՝ կապված ևս մեկ մահվան դեպքի հետ:
Լազուրե ափի ևս 2 տարեց բնակիչներ պնդում են, որ կինը իրենց փորձել է թունավորել: Ինչպես պնդում է հետաքննությունը, իր զոհերի հետ Դագորնը ծանոթացել է ամուսնական գործակալությունների միջոցով:
Կինը անձամբ իրեն մեղավոր չի ճանաչում: Նրա փաստաբանի խոսքով՝ Դագորնին մանուկ հասակում որդեգրել են ու այդ պատճառով էլ «իրեն հարմարավետ է զգում մեծերի ընկերակցությամբ»:
2013թ. կինը 5 տարով ազատազրկվել էր տարեց տղամարդու առևանգելու մեղադրանքով: Զոհի տան հայտնաբերվել էին մետադոնի ու վալիումի շշեր:
