«Ամենամեծ արժեքը մարդն է, առավել մեծ արժեք՝ Հայ մարդը: Կոչ եմ անում կանխենք որևէ մարդկային կորուստ». Տիգրան Մանսուրյան
Աշխարհահռչակ կոմպոզիտոր Տիգրան Մանսուրյանը հուզված է այն ամենից, ինչ այս պահին կատարվում է Բաղրամյան պողոտայում և ողջ Երևանում. «Ես կոչ եմ անում այս պահին Բաղրամյան պողոտայում հավաքված քաղաքացիներին, շարժման ակտիվիստներին ու ոստիկաններին, բոլորին, ովքեր հիմա այնտեղ են: Ամենամեծ արժեքը մարդն է, առավել մեծ արժեք՝ Հայ մարդը: Կոչ եմ անում կանխենք որևէ մարդկային կորուստ»,- 168.am-ի թղթակցի հետ զրույցում խաղաղության և հանգստության կոչով հանդես եկավ Մաեստրոն:
