Բաղրամյան պողոտայում է նաև Վլադիմիր Գասպարյանը` իր տեղակալների հետ
Բաղրամյան պողոտայում ընթացող հանրահավաք-պայքարը շարունակվում է: Ցուցարարների քանակն այսօր ավելի շատ է, քան նախորդ գիշեր:
Ոստիկանները ավելացրել են ուժերը պողոտայի արգելապատնեշի մոտ. այսօր նրանք կանգնած են չորս շարքով: Պողոտայում են նաև մեծաթիվ կարմիրբերետավորները։ Հանրահավաքի վայր է եկել նաև ՀՀ ոստիկանապետ Վլադիմիր Գասպարյանն` իր տեղակալների, ոստիկանության զորքերի հրամանատարի, ոստիկանության պետի տեղակալ Լևոն Երանոսյանի, Երևանի ոստիկանապետ Աշոտ Կարապետյանի հետ։
Հանրահավաքի մասնակիցները նշում են, որ այսօր ամենաբազմամարդ հանրահավաքն է: Մշակույթի, շոու-բիզնեսի ներկայացուցիչները, քաղաքական գործիչները, պատգամավորները կրկին կենդանի պատ են կազմել ցուցարարների և ոստիկանների միջև։
