«Տիտանիկի» երաժշտության օսկարակիր կոմպոզիտորը ավիավթարի զոհ է դարձել
Երաժիշտ Ջեյմս Հորները, ով հայտնի էր որպես «Տիտանիկ» ֆիլմի երաժշտության հեղինակ, վթարի է ենթարկվել իր անձնական ինքնաթիռով, հայտնում է BBC-Ն:
Մեկշարժիչանի S-312 Tucano ինքնաթիռն ընկել է երեկ առավոտյան Սանտա Բարբարա քաղաքից ոչ հեռու: Ընկնելուց անմիջապես հետո ինքնաթիռն այրվել է:
Նախնական տեղեկություններով՝ կոմպոզիտորն անձամբ է ղեկավարել ինքնաթիռը:
61-ամյա Հորները գրել է ավելի քան 100 գեղարվեստական ֆիլմերի երաժշտություն, որոնց թվում են «Խիզախ սիրտը», «Ապոլլոն-13», «Զորրոյի դիմակը», «Ավատար» ֆիլմերը:
«Տիտանիկի» համար գրված երաժշտության համար նա արժանացել էր երկու «Օսկար» մրցանակի:
