Սառա Բրայթմանի փոխարեն տիեզերք կթռչի ղազախ տիեզերագնացը
Տիեզերք թռչելուց հրաժարված բրիտանացի Սառա Բրայթմանին սեպտեմբերին Միջազգային տիեզերակայանի արշավախմբում կփոխարինի ղազախ տիեզերագնաց Այդին Աիմբեթովը, հայտնում է BBC-ի ռուսական ծառայությունը:
Աիմբեթովի թեկնածությունը արդեն հաստատել է «Ռոսկոսմոսը»: Բացի նրանից՝ ազատ ուղեգրին հավակնում էր նաև ճապոնացի ձեռնարկատեր Սատոսի Տակամացուն ու ռուս տիեզերագնաց Սերգեյ Պրոկոպևը:
Բրիտանացի երգչուհին պետք է Միջազգային տիեզերակայան թռչեր սեպտեմբերին, սակայն մայիսի կեսին նա հրաժարվեց այդ պլաններից՝ պատճառաբանելով ընտանեկան դժվարին հանգամանքները:
Բրայթմանը պետք է դառնար 8-րդ տիեզերական զբոսաշրջիկը, ով այցելելու էր Միջազգային տիեզերակայան:
