Չեմպիոնների լիգայի որակավորման փուլից առաջ «Փյունիկն» ուժեղացնում է կազմը

Հայաստանի չեմպիոն և գավաթակիր «Փյունիկի» մամուլի ծառայությունը հայտնում է, որ ակումբը պայմանագրեր է ստորագրել Հայաստանի ազգային հավաքականի 23-ամյա կիսապաշտպան Ռումյան Հովսեփյանի և 25-ամյա կիսապաշտպան Վարդգես Սաթումյանի հետ:

Երկու ֆուտբոլիստներն էլ արդեն միացել են թիմին, և թիմի հետ ուսումնամարզական հավաքի միջոցով պատրաստվում են Չեմպիոնների լիգայի որակավորման փուլին:

Նախապատրաստման ընթացքում «Փյունիկն» արդեն անցկացրել է հանդիպում «Ալաշկերտի» հետ և նախապատրաստվում է խաղալ որևէ վրացական ակումբի հետ: Այս խաղի մասին ավելի ընդգրկուն տեղեկատվություն կտրվի ավելի ուշ:

Սիրարփի Աղաբաբյան