Դանիայի կառավարությունը հրաժարական է տալիս
Դանիայի վարչապետ Հելլե Թորնինգ-Շմիդտն այսօր թագուհի Մարգարետ 2-ին խնդրել է ընդունել գործող կառավարության հրաժարականը, հայտնում է «Ռոսբալտը»:
Ձախկենտրոնամետ կոալիցիան՝ Դանիայի սոցիալ-դեմոկրատական կուսակցության գլխավորությամբ, որը ղեկավարում է Հելլե Թորնինգ-Շմիդտը, պարտություն է կրել երեկ կայացած խորհրդարանական ընտրություններում:
Ավանդույթի համաձայն՝ թագուհին դիմել է Թորնինգ-Շմիդտին՝ խնդրելով մնալ կառավարության ղեկավարի պաշտոնում անցումային շրջանում, որը հարկավոր է նոր իշխող կոալիցիայի ձևավորման համար:
Հաղորդվում է, որ պահպանողական ընդդիմությունը 90 տեղ է ստացել Դանիայի խորհրդարանում, իսկ ձախկենտրոնամետ կուսակցությունները՝ Թորնինգ-Շմիդտի գլխավորությամբ՝ 85 տեղ:
