Նոր 10 դոլարանց թղթադրամի վրա առաջին անգամ կին կպատկերվի
ԱՄՆ-ում նոր 10 դոլարանոց թղթադրամի վրա ապագայում կնոջ դեմք կպատկերվի: Դեռ հայտնի չէ, թե ով է պատկերվելու, հայտնում է BBC-ի ռուսական ծառայությունը:
Նոր թղթադրամը կտպագրվի 2020թ.՝ ԱՄՆ Սահմանադրության 19-րդ կետի փոփոխության 100-ամյակի կապակցությամբ, ինչի արդյունքում կանայք ձայնի իրավունք ստացան:
Կոնկրետ կնոջ ընտրության հարցում, ում դիմանկարը կհայտնվի նոր թղթադրամի վրա, կներգրավվի նաև լայն հասարակությունը: ԱՄՆ ֆինանսների նախարարությունը հայտարարում է, որ որոնում է կնոջ, ով «պաշտպանել է մեր համընդգրկուն ժողովրդավարությունը»:
Ներկայում ամերիկյան թղթադրամների վրա պատկերված են միայն սպիտակամորթ տղամարդիկ: Նրանք բոլորն էլ եղել են քաղաքական առաջնորդներ:
Կնոջ դիմանկարը նոր 10 դոլարանոցի վրա կփոխարինի Ալեքսանդր Համիլթոնին, ով եղել է ԱՄՆ ֆինանսների առաջին նախարարը:
