Հարավային Օսեթիան և Աբխազիան կարող են օրինակ վերցնել Լեռնային Ղարաբաղից. Լիրա Կոզաևա
«Չճանաչված պետությունները կարող են օրինակ վերցնել Լեռնային Ղարաբաղից»,-168.am-ի հետ զրույցում այս մասին ասաց Հարավային Օսեթիայի «Ժողովրդավարության և մարդու իրավունքների պաշտպանության» կանանց ասոցիացիայի նախագահ Լիրա Կոզաևան` անդրադառնալով Հարավային Օսեթիայի, Աբխազիայի և Ղարաբաղի անցած ուղիներին: Նա նշեց, որ Աբխազիային և Հարավային Օսեթիան պետք է օրինակ վերցնեն հենց Լեռնային Ղարաբաղից: «Ես, ցավոք սրտի, այնտեղ չեմ եղել, բայց այն, ինչ լսել եմ, թե ինչպիսի գործընացներ են ընթանում, հանդիպել եմ ՀԿ-ների ներկայացուցիչների հետ, զարմացել եմ, տեսնում եմ մակարդակը, կարծում եմ, որ չէր խանգարի նրանցից օրինակ վերցնելը»,- ասաց Լիրա Կոզաևան: Վերջինս նաև նշեց, որ աշխարհում այնպիսի գործընթացներ են տեղի ունենում, այնպիսի խաղացողներ են ընդգրկված այդ խաղում, որ խաղն ընթանում է առանց օրենքների, այնպես որ, փոքր ժողովուրդները չպետք է մասնակցեն այդ գործընթացներին, պետք է փորձեն լուծել սեփական խնդիրները:
Հարցազրույցն ամբողջությամբ կարող եք կարդալ «168 Ժամ» թերթի այսօրվա տպագիր համարում:
