Իրակլի Ղարիբաշվիլին ու Վլադիմիր Պուտինը Բաքվում չեն հանդիպել միմյանց
Վրաստանի վարչապետ Իրակլի Ղարիբաշվիլիի ու ՌԴ նախագահ Վլադիմիր Պուտինի միջև շփում չի եղել Բաքվում, որտեղ վերջիններս ներկա էին՝ մասնակցելու առաջին Եվրոպական խաղերի բացման արարողությանը, գրում է apsny.ge-ն՝ վկայակոչելով Վրաստանի վարչապետի աշխատակազմին:
Երեկ Բաքվում կայացած Եվրոպական խաղերի հանդիսավոր արարողությանը ներկա են եղել Ադրբեջանի նախագահ Իլհամ Ալիևը, Թուրքիայի նախագահ Ռեջեփ Թայիփ Էրդողանը, Ռուսաստանի նախագահ Վլադիմիր Պուտինը, Իրակլի Ղարիբաշվիլին և մի շարք այլ պաշտոնատար անձինք:
