Եվրախորհրդարանը կոչ է արել Աշխարհի 2018թ. առաջնության տեղափոխության համար, եթե կոռուպցիայի փաստն ապացուցվի
Եվրոպական խորհրդարանն իր աջակցությունն է հայտնել ՖԻՖԱ-ի աուդիտի կոմիտեի նախագահ Դոմենիկ Սկալայի նախաձեռնությանը:
Շաբաթվա սկզբին Սկալան հայտարարել էր, որ արժե 2018 և 2022թթ. Աշխարհի առաջնություններն անցկացնել ուրիշ երկրներում, եթե կոռուպցիայի փաստն ապացուցվի:
«Եվրոպական խորհրդարանի անդամներն ընդգծում են շվեյցարական և ամերիկյան իշխանությունների հետաքննության փաստը` կապված Աշխարհի 1998, 2010, 2018 և 2022թթ. Աշխարհի առաջնությունները հանձնելով` համապատասխանաբար` Ֆրանսիային, ՀԱՀ-ին, Ռուսաստանին և Քաթարին:
Նրանք ողջունում են ՖԻՖԱ-ի աուդիտի և վեճերի կարգավորման կոմիտեի նախագահի հայտարարությունն այն մասին, որ 2018 և 2022թթ. Աշխարհի չեմպիոնատների անցկացման հանձնումը պետք է համարել անվավեր, եթե ապացուցվի, որ դրանք արվել են կոռուպցիայի միջոցով»,- ասվում է կազմակերպության հայտարարությունում:
Եվրոպական խորհրդարանի անդամները կոչ են արել նաև վերակազմավորել ՖԻՖԱ-ն և ղեկավարությունը հանձնել այլ մարդու: Մինչ դեկտեմբեր այս դերը կստանձնի Յոզեֆ Բլատերը:
Պատրաստեց Անի Գաբուզյանը
