«Կօգնեմ Ֆալկաոյին՝ վերադառնալ նախկին մակարդակին». Ժոզե Մոուրինյո
«Յուրահատուկը» խոստացել է, որ բրիտանական հասարակությունը կտեսնի այն Ֆալկաոյին, որին տեսնում էր «Պորտուի» և «Ատլետիկոյի» կազմերում խաղալիս:
Պորտուգալացին հայտարարել է, որ կօգնի Կոլումբիայի հավաքականի հարձակվողին՝ վերադառնալ նախկին մարզավիճակին, որով նա ցնցեց Եվրոպան մի քանի տարի առաջ:
«Ինձ համար շատ ցավալի է լսել, որ Անգլիայում մարդիկ իրական Ֆալկաոյին համարում են այն տղային, ով խաղում էր «Մանչեսթեր Յունայթեդում»: Նա ֆուտբոլիստ է, ում ես լավ հիշում եմ «Ատլետիկոյի» կազմում, և, եթե ես հնարավորություն ունենամ նրան առաջվա մարզավիճակի բերելու, ես դա կանեմ»,- Մոուրինյոյի խոսքերը հաղորդում է Goal.com-ը:
Ավելի վաղ ԶԼՄ-ները հաղորդում էին «Մոնակոյից» «Չելսի» Ֆալկաոյի հավանական տեղափոխության մասին:
«Մանչեսթեր Յունայթեդի» կազմում անցկացրած 26 խաղում Ֆալկաոն դարձել է 4 գոլի հեղինակ:
Պատրաստեց Անի Գաբուզյանը
