Հետազոտողները հաշվարկել են Իսրայելի եկամուտը Պաղեստինի ճանաչման դեպքում
Պաղեստինա-իսրայելական կոնֆլիկտն ավարտվելու ու «երկու պետություն երկու ժողովրդի համար» ստեղծվելու շնորհիվ Իսրայելը 10 տարում կստանա ավելի քան 120 մլրդ դոլար եկամուտ:
Իր հերթին, Պաղեստինը նման ժամանակահատվածում կստանա 50 մլրդ դոլար, իսկ երկրի ՀՆԱ-ն՝ 1 բնակչի հաշվով կավելանա մոտավորապես 36 տոկոսով: Նման եզրակացության են եկել «Պաղեստինա-իսրայելական կոնֆլիկտի գինը» հետազոտության հեղինակները, որն անցկացրել են RAND Corporation-ի փորձագետները:
Մյուս կողմից՝ իրավիճակի սրումը Իսրայելին կարժենա 10 տարում մոտ 250 մլրդ դոլար, Պաղեստինին՝ ՀՆԱ-ի 46 տոկոսանոց նվազում:
Հետազոտողները եկել են եզրակացության, որ նման որոշման գլխավոր խոչընդոտն այդ հարցի վերաբերյալ պաղեստինցիների միասնական կարծիքի բացակայությունն է, ինչպես նաև երկու երկրների քաղաքական ու կրոնական տարաձայնությունները:
Գիտական աշխատանքի հեղինակ Չառլզ Ռայսի խոսքով՝«երկու պետություն երկու ժողովրդի համար» որոշումը առավել շահավետ է երկու կողմի համար էլ:
