Դիլիջանի ամառանոցներից մեկից երկու տարի առաջ կատարված գողությունը բացահայտվեց
2013 թ. հոկտեմբերի 2-ին, ժամը 17.00-ին, 1957 թ. ծնված Սիլվա Պ.-ն դիմել էր ոստիկանության Դիլիջանի բաժին և հայտնել, որ լոգարանի պատուհանը կոտրելով՝ մտել են Դիլիջանի Անդրանիկի փողոցում գտնվող իր ամառանոց և գողացել օգտագործված կենցաղային իրեր, խոհանոցային էլեկտրական պարագաներ և հագուստ:
Հունիսի 2-ին ոստիկանության Տավուշի մարզային վարչության, Դիլիջանի բաժնի և ՀՀ ՔԿ Դիլիջանի քննչական բաժնի ծառայողների համատեղ ձեռնարկած միջոցառումների շնորհիվ պարզվել է, որ գողությունը կատարել է 1996 թ. ծնված Էդուարդ Ս.-ն:
Կատարվում է քննություն:
