ԴԱԻՇ-ի շարքերը համալրած երիտասարդների մայրերը կոչ են արել իրենց զավակներին տուն վերադառնալ
7 երկրների մայրերը, ում որդիները միացել են ծայրահեղական ԴԱԻՇ խմբավորմանը, կոչով դիմել են նրանց ու պահանջել վերադառնալ տուն, հայտնում է Associated Press-ը:
«Մայրեր հանուն կանանց» խմբի մայրերը սոցցանցերում տեղադրված բաց նամակում գրել են, որ այն երիտասարդները, որոնք ուղևորվել են պատերազմելու Սիրիա ու Իրաք, պետք է հիշեն իսլամի՝ ծնողներին հարգելու դրույթը:
Նամակի հեղինակների թվում են մի քանի երկրի, այդ թվում՝ Կանադայի, ԱՄՆ-ի ու Ֆրանսիայի բնակիչներ:
