Միջերկրական ծովում փրկել են ավելի քան 3300 ապօրինի ներգաղթյալի
ZN.UA-ի փոխանցմամբ` Իտալիայի առափնյա պահպանությունը Միջերկրական ծովում փրկել է ավելի քան 3300 ապօրինի ներգաղթյալի: Ներկա դրությամբ հայտնաբերվել է 17 զոհված անլեգալի դիակները: Աղետի մասին ազդանշանները ստացվել են միաժամանակ 17 նավակից:
Իտալական կողմի ձեռնարկած փրկարարական գործողությանն աջակցել են գերմանացի մասնագետները, ինչպես նաև իռլանդական մեկ նավ: Տեղեկություններ չեն ստացվել ապօրինի ներգաղթյալների զոհվելու պատճառների մասին:
Ներգաղթյալները փոքրի նավակներում հիմնականում մահանում են սովից, ջրազրկումից ու բռնությունից: Ներգաղթյալները Հյուսիսային Աֆրիկայից ու Մերձավոր Արևելքից փորձում են Եվրոպա հասնել մաքսանենգների օգնությամբ, որոնք կազմակերպում են ապօրինի փոխադրումներ, որոնց ժամանակ շատ ներգաղթյալներ մահանում են դեռ ծովում:
Մայիսի սկզբին Իտալիայի առափնյա պահպանությունը փրկել է Հյուսիսային Աֆրիկան ներկայացնող ավելի քան 4000 ներգաղթյալի:
