Ձախողվել են «Միստրալ» նավերի վերաբերյալ ռուս-ֆրանսիական բանակցությունները
Ռուսական РИА Новости լրատվական գործակալության փոխանցմամբ` Մոսկվայում անարդյունք են ավարտվել «Միստրալ» ուղղաթիռակիրների վերաբերյալ Ռուսաստանի ու Ֆրանսիայի միջև բանակցությունները: Ֆրանսիական պատվիրակությունը նույն օրը վերադարձել է Փարիզ:
Այս մասին գործակալությանը հայտնել է ռազմատեխնիկական համագործակցության ոլորտում նրա աղբյուրը, որի խոսքերով` ֆրանսիական պատվիրակությունը Մոսկվա է ժամանել նախօրեին:
Նա ընդգծել է, որ բանակցությունները փաստացի չեն էլ սկսվել, քանի որ ֆրանսիական կողմը ներկայացրել է ռուսական կողմի համար բացարձակապես անընդունելի պայմաններ:
Աղբյուրը սակայն չի մանրամասնել, թե ինչ պայմաններ են դրանք` հայտնելով միայն, որ խոսքը գնում է նաև բանկային հաշվեհամարների չեղյալ հայտարարման մասին:
