Ռուսաստանի ռազմաօդային ուժերը գնելու են Ту-160М տիպի 50 ռազմավարական ռմբակոծիչ

Ռուսական Интерфакс լրատվական գործակալության փոխանցմամբ` Ռուսաստանի ռազմաօդային ուժերը գնելու են առնվազն 50 նոր Ту-160М ռազմավարական հրթիռակիրներ, որոնց արտադրությունը վերսկսվում է ներկայումս:

Այս մասին հայտարարել է Ռուսաստանի ռազմաօդային ուժերի հրամանատար, գեներալ-գնդապետ Վիկտոր Բոնդարևը: Նրա խոսքերով` այդ ամենին զուգահեռ հեռահար ավիացիայի հեռանկարային ավիացիոն համալիրի ծրագրի շրջանակներում իրականացվելու է  նոր ինքնաթիռի մշակում:

Ավելի վաղ հաղորդվել էր, որ այդ ինքնաթիռը 2020-ական թվականների կեսերից աստիճանաբար կսկսի հեռահար ավիացիայի կազմում փոխարինել  Ту-160 և Ту-95МС ինքնաթիռներին: