Այսօր գոյություն ունի Ուկրաինայի ճգնաժամի խաղաղ կարգավորման իրական հնարավորություն. Լավրով
Ռուսական РИА Новости լրատվական գործակալության փոխանցմամբ` Ռուսաստանի արտգործնախարար Սերգեյ Լավրովը հայտարարել է, որ գոյություն ունի մինսկյան պայմանավորվածությունների հիման վրա Ուկրաինայի ճգնաժամի խաղաղ կարգավորման իրական հնարավորություն.
«Այսօր իսկապես առկա է մինսկյան պայմանավորվածությունների հիման վրա խաղաղ կարգավորման իրական հնարավորություն: Պետք է ամբողջովին ու հետևողականորեն իրագործվեն փետրվարի 12-ի համալիր միջոցները:
Առանցքային պայմանը Դոնեցկի ու Լուգանսկի հետ Ուկրաինայի իշխանությունների կողմից ուղիղ, կայուն երկխոսություն հաստատելն է: Արևմուտքում ուռճացվող հակառուսական կամպանիան` ներառյալ Վաշինգտոնի, ԵՄ-ի կողմից ոչ լեգիտիմ, միակողմանի սահմանափակումները չեն ազդել մեր փոխգործակցության վրա»:
