ԵՄ-ի կազմից երկրի դուրս գալու մասին հանրաքվեն անցկացվելու է մինչև 2017 թվականի ավարտը. Էլիզաբեթ 2-րդ
Բրիտանական Reuters լրատվական գործակալության փոխանցմամբ՝ Մեծ Բրիտանիայի թագուհի Էլիզաբեթ 2-րդը, ելույթ ունենալով երկրի խորհրդարանում, հայտարարել է, որ ԵՄ-ի կազմից երկրի դուրս գալու մասին հանրաքվեն անցկացվելու է մինչև 2017 թվականի ավարտը.
«Մեծ Բրիտանիան ԵՄ-ին իր անդամակցության հարցի վերաբերյալ անցկացնելու է նոր բանակցություններ: Դրան զուգահեռ կներկայացվի ԵՄ-ի կազմից դուրս գալու հարցի շուրջ հանրաքվե անցկացնելու մասին օրինագիծը, որը կանցկացվի մինչև 2017 թվականի ավարտը»:
Մեծ Բրիտանիայում անցկացված խորհրդարանական ընտրություններից հետո Քեմերոնը երկրի քաղաքացիներին խոստացել էր վերանայել ԵՄ-ին երկրի անդամակցումը, եթե Բրյուսելը հրաժարվի բարեփոխել միգրացիոն օրենսդրությունը և Մեծ Բրիտանիային հնարավորություն չտա սահմանափակել ներգաղթյալների ներհոսքը:
