Վատիկանն Իռլանդիայում միասեռ ամուսնությունների օրինականացումը որակել է՝ որպես «մարդկության պարտություն»
Բրիտանական Financial Times թերթի փոխանցմամբ՝ Վատիկանի պետքարտուղար Պիետրո Պարոլինը դատապարտել է Իռլանդիայում միասեռ ամուսնությունների օրինականացումը՝ դա որակելով՝ որպես «մարդկության պարտություն».
«Մեզ շատ է տխրեցրել այդ արդյունքը, և եկեղեցին պետք է ակտիվացնի իր ջանքերը, որպեսզի տարածի այդ կարծիքը: Ես իսկապես կարծում եմ, որ տվյալ դեպքում մենք կարող ենք խոսել ոչ միայն քրիստոնեական սկզբունքների, այլև՝ մարդկության պարտության մասին: Պապ Ֆրանցիսկոսը մշտապես դեմ է հանդես եկել միասեռ ամուսնություններին»:
