ԱՊՀ երկրների զինված ուժերի Գլխավոր շտաբների պետերն այսօր կհանդիպեն Սոչիում
Ռուսական РИА Новости լրատվական գործակալության փոխանցմամբ՝ ԱՊՀ անդամ երկրների զինված ուժերի գլխավոր շտաբների ղեկավարությունը Սոչիում կայանալիք այսօրվա նիստի ժամանակ հստակեցնելու է 2016 թվականի համատեղ միջոցառումները:
Այս մասին հայտարարել է ՌԴ ՊՆ-ի մամլո ծառայությունը, որի հաղորդմամբ այսօր Սոչիում տեղի է ունենալու ԱՊՀ անդամ երկրների զինված ուժերի շտաբների պետերի կոմիտեի նիստը, որը նախագահելու է Ռուսաստանի պաշտպանության առաջին փոխնախարար, Գլխավոր շտաբի պետ, բանակի գեներալ Վալերի Գերասիմովը:
Նիստի օրակարգում գտնվելու է մոտ 15 հարց, որոնք առնչվում են ռազմական համագործակցության տարբեր ուղղությունների: Նիստին մասնակցելու են Հայաստանի, Ռուսաստանի, Բելառուսի, Ղազախստանի, Ղրղզստանի, Տաջիկստանի ու Ադրբեջանի պատվիրակությունները:
