Չինաստանն ու Հնդկաստանը ստորագրել են 22 միլիարդ դոլարի պայմանագրեր
Business Insider-ի փոխանցմամբ` հնդկական ու չինական ընկերությունները Շանհայում ստորագրել են 21 համաձայնագիր, որոնք ընդհանուր առմամբ գնահատվում են ավելի քան 22 միլիարդ դոլար: Չին-հնդկական հանդիպմանն ընդհանուր առմամբ մասնակցել է մոտ 200 ընկերություն:
Հնդկաստանի վարչապետ Նարենդրա Մոդին կոչ է արել համագործակցել հանուն փոխադարձ շահերի. «Ներկայումս Հնդկաստանը պատրաստ է բիզնեսին»: Նարենդրա Մոդին Չինաստանում հանդիպել է այդ երկրի նախագահ Սի Ծինփինի հետ:
Սրանից առաջ հաղորդվել էր, որ Բելառուսն ու Չինաստանը ստորագրել են մոտ 18 միլիարդ դոլարի 50 պայմանագիր, ինչպես նաև որ Չինաստանը պատրաստվում է 50 միլիարդ դոլարի ներդրում կատարել Բրազիլիայում:
