ԱՄՆ սենատի հանձնաժողովը հաստատել է Ուկրաինային 300 միլիոն դոլարի ռազմական օգնություն ցուցաբերելը
Ռուսական ТАСС լրատվական գործակալության փոխանցմամբ` ԱՄՆ Սենատի` զինված ուժերի հարցերով հանձնաժողովը երեկ հավանության է արժանացրել 2016 թվականի ֆինանսական տարվա պաշտպանական նոր բյուջեի նախագիծը, որը մեկնարկում է հոկտեմբերի 1-ին:
Այն նախատեսում է Ուկրաինային հատկացնել 300 միլիոն դոլարի ռազմական օգնություն: Պաշտպանական բյուջի նախագիծը կազմել է 612 միլիարդ դոլար:
Դրան աջակցել է 22 սենատոր, դեմ է արտահայտվել 4-ը: Հանձնաժողովի նախագահ, հանրապետական սենատոր Ջոն Մաքքեյնը ողջունել է քվեարկության արդյունքները:
Նախագիծը Պենտագոնին պարտավորեցնում է հետագա 4 տարիների ընթացքում սեփական ղեկավարության հաստիքը կրճատել 30 տոկոսով: Բացի այդ, դրանում խոսք է գնում Գուանտանամոյի բանտի փակման անհրաժեշտության մասին: Եթե Սենատն ու Ներկայացուցիչների պալատը հաստատեն օրինագիծը, ապա բանտը կփակվի:
