Գոհար Ենոքյանին քիչ հետո ազատ կարձակեն Էրեբունու ձերբակալվածների պահման վայրից
Քիչ առաջ Քննչական կոմիտեից դուրս եկավ ԲՀԿ-ական պատգամավորներ Նաիրա Զոհրաբյանն ու Էլինար Վարդանյանը և տեղեկացրեցին, որ Գոհար Ենոքյանին պետք է տեղափոխեին ՔԿ՝ քննչական գործողություն իրականացնելու համար, սակայն դա տեղի չի ունեցել, ուստի Գ. Ենոքյանին սահմանված ժամականին՝ 17:40 ազատ կարձակեն Էրեբունու ձերբակալվածների պահման վայրից:
Այս պահին ՔԿ-ի մոտ հավաքվածները գնացին Էրեբունու ձերբակալվածների պահման վայր:
Հիշեցնենք, որ ՀՀ գլխավոր դատախազությունը հաղորդագրություն էր տարածել, որում ասված էր, որ դատախազի որոշմամբ Գոհար Ենոքյանի նկատմամբ խափանման միջոց է կիրառվել ստորագրություն չհեռանալու մասին:
