Կարտոֆիլ. գիրություն, պանկրեատիտ, խպիպ
Կարտոֆիլի քիմիական բաղադրությունը շատ հարուստ է և լավ հավասարակշռված, այն իրոք երկրորդ հացն է, և, ինչպես նկատել է Խաչատուր Աբովյանը՝ «բարեբեր» սննդամթերք է։
Ենթաստամոքսային գեղձի բորբոքում, նույնն է` պանկրեատիտ
Այս օրգանում են արտադրվում ինսուլինը և նյութափոխանակությունը կարգավորող խմորիչները` ֆերմենտները։
Սննդաբանները խորհուրդ են տալիս քրոնիկ, սուր պանկրեատիտի դեպքում ուտել օրը 200-300 գրամ կարտոֆիլի պյուրե։
Ինչո՞վ համեմել
Այս հիվանդության դեպքում օգտակար են ծովակաղամբը, մաղադանոսի, դաղձի, եղերդակի փոշիացրած արմատի թուրմերը, սամիթի, չամանի, համեմի սերմերը, հնդկաձավարի ալյուրի և մածնի խառնուրդը (1թ/գ 100 մլ, խմեք առավոտյան, թրմեք 8 ժամ) և այլն։
Գիրություն, պանկրեատիտ
Հարկավոր է` 200 գ մաքրած կարտոֆիլի քերուկ
- լոռամրգի (Սս՚ՍՉՈ)-100 գ
- ջուր-200 մլ
- մեղր- 1 թ/գ
Պատրաստման եղանակը
ա) Քամեք կարտոֆիլի հյութը, 1 ժամ թրմեք, հյութը զգուշորեն քամեք, նստվածքը թափեք։
բ) Քամեք լոռամրգի հյութը։ Քուսպը լցրեք եռջրի մեջ, 5 րոպե եփեք, 30 րոպե թրմեք, քամեք։
գ) Լոռամրգի և կարտոֆիլի հյութերը և լոռամրգի քուսպի եփուկը խառնեք, ավելացրեք մեղր։
Ինչպես օգտագործել
Խմեք 100-ական մլ` օրը 3-4 անգամ, ուտելուց առաջ։ Շարունակեք 7 օր։
Լոռամրգիի և կարտոֆիլի փոխազդեցությունը
Նիհարեցնող հատկություն ունի կարտոֆիլի հյութը։ Լոռամրգին օգտակար է ենթաստամոքսային գեղձին, մաքրում է արյունը, նվազեցնում է գինեկոլոգիական բնույթի բորբոքումները, իջեցնում է ճնշումը, լավացնում է գլխուղեղի արյան մատակարարումը։ Խորհուրդ է տրվում երիկամային հիվանդությունների, հոդատապի, վարիկոզի դեպքում։
Լոռամրգին և կարտոֆիլը փոխադարձաբար ուժեղացնում են մեկը մյուսի օգտակար հատկությունները։ Սակայն կարևոր է իմանալ, որ կարտոֆիլն իջեցնում է ստամոքսահյութի թթվայնությունը, իսկ լոռամրգին` բարձրացնում։
Բուժում է կարտոֆիլի ծաղիկը
Արյան բարձր ճնշում, վահանագեղձի էնդեմիկ խպիպ (զոբ)
- Կարտոֆիլի 1 ճ/գ չոր ծաղիկը 30 րոպե թրմեք 200 մլ եռջրում, քամեք։ Խմեք 60-ական մլ` օրը 3 անգամ, ուտելուց 30 րոպե առաջ։ Շարունակեք 28 օր, ընդմիջեք 7 օր, կրկնեք։
Զգուշացում։ Կարտոֆիլի վերգետնյա պտուղները խիստ թունավոր են։
Ուռուցքներ. կանխարգելիչ միջոց
- Կարտոֆիլի ծիլերը 14 օր թրմեք օղու մեջ (1։20), հով մութ տեղում։ Խմեք 1-ական ճ/գ` օրը 3 անգամ, ուտելուց 30 րոպե առաջ։ Շարունակեք 28 օր, ընդմիջեք 7 օր, կրկնեք։
Հ.Գ. Լույս են տեսել հեղինակի «Մոգական բուժարարներ» մատենաշարի թվով 4 գրքույկները: Հիշեցնենք, որ վաճառքում է նաև հեղինակի «Պահապան ծառերի բուժիչ զորությունը» գիրքը: Հեղինակի բոլոր գրքերը կարող եք ձեռք բերել «Նոյյան տապան», «Բուկինիստ», «Նոր գիրք» և «Արտ Բրիջ» (Աբովյան 20) գրախանութներից:
