Ռազմական սպառնալիքները չեն կարող օգնել բանակցություններին. Ալի Խամենեի
Բրիտանական Reuters լրատվական գործակալության փոխանցմամբ՝ Իրանի գերագույն ղեկավար և հոգևոր առաջնորդ, այաթոլլահ Ալի Խամենեին հայտարարել է, որ թույլ չի տա, որպեսզի Իրանի միջուկային ծրագրի շուրջ բանակցություններն անցկացվեն սպառնալիքի ներքո.
«Իրանի համար անընդունելի է սպառնալիքի ստվերում (գերտերությունների հետ) միջուկային բանակցությունների անցկացումը: Մեր ազգը չի աջակցում դրանց: Ռազմական սպառնալիքները չեն կարող օգնել բանակցություններին»:
Խամենեին հայտարարել է, որ ԱՄՆ-ը պետք է իրանական միջուկային ծրագրի շուրջ բանակցություններ վարի Իրանի հետ. «Նրանց համար բանակցություններն անհրաժեշտ են Իրանից ոչ պակաս չափով և անգամ՝ ավելի շատ»:
