Բարաք Օբաման Վաշինգտոնում հանդիպել է Մասուդ Բարզանիի հետ
Թուրքական Anadolu լրատվական գործակալության փոխանցմամբ՝ ԱՄՆ նախագահ Բարաք Օբաման Սպիտակ տանը (Վաշինգտոն) մասնակցել է երկրի փոխնախագահ Ջոզեֆ Բայդենի ու Հյուսիսային Իրաքի քրդական ինքնավարության ղեկավար Մասուդ Բարզանիի հանդիպմանը:
Այս մասին նշված է Սպիտակ տան տարածած հայտարարությունում: Հանդիպման ժամանակ քննարկվել են մի շարք հարցեր, այդ թվում՝ նաև «Իսլամական պետություն» ահաբեկչական կազմակերպության ոչնչացումը, Իրաքի ժողովրդին օգնելն ու այդ երկրում բոլոր համայնքների միջև համագործակցության ամրապնդմանն ուղղված քաղաքական նախաձեռնությունները:
Բացի այդ, ԱՄՆ-ը հաստատել է, որ հավատարիմ է դաշնային ու դեմոկրատական միասնական Իրաքին, ինչպես որ նշված է Իրաքի սահմանադրությունում:
